मध्ययुगातील संतांचे विविधांगी वाङ्मय हा मराठी साहित्यातील महत्त्वाचा सांस्कृतिक ठेवा आहे. श्रीसमर्थ रामदास स्वामी यांचा श्री दासबोध हा ग्रंथ आजही अनेकांच्या नित्यपठणात असलेला आढळतो. समर्थ रामदासांचे केवळ तत्त्वज्ञानच नव्हे तर त्यांचा व्यासंग, निरीक्षणातील बारकावे, समकालीन परिस्थितीचे भान इ. अनेक गोष्टींचे दर्शन हा ग्रंथ घडवतो. हा संपूर्ण ग्रंथ श्राव्य पुस्तकाच्या स्वरूपात संस्थेच्या संकेतस्थळावर उपलब्ध करून देण्यात येत आहे. गेल्या तीन दशकांपासून मराठी नाट्य व चित्रपट क्षेत्रात संगीतकार म्हणून नावाजलेल्या श्री. राहुल रानडे यांनी या श्राव्य पुस्तकासाठी संगीत दिले असून राष्ट्रीय पुरस्कारप्राप्त ख्यातनाम गायक पंडित संजीव अभ्यंकर यांच्या आवाजात हा ग्रंथ ऐकता येणार आहे.
या श्राव्य पुस्तकाचे सर्व अधिकार राज्य मराठी विकास संस्थेच्या अधीन असून हे पुस्तक जनतेसाठी विनामूल्य स्वरूपात संस्थेच्या संकेतस्थळावर उपलब्ध करण्यात आले आहे. त्यांची विक्री करणे, ती आपल्या संकेतस्थळावर घालणे इ. गोष्टी करणाऱ्या व्यक्ती वा संस्था आढळल्यास त्यांवर कायदेशीर कारवाई करण्यात येईल.
केवळ अप्रतिम! फार उच्च दर्जाचे हे काम आहे।
अप्रतिम….खूपच छान…. ज्ञानेश्वरी आणि तुकाराम गाथा यासह इतर संतसाहित्य उपलब्ध झाल्यास चांगले होईल….खूप खूप धन्यवाद….!!!
दृकश्राव्य दासबोध एकूण फारच आनंद झाला। अतिशय गोड आवाजात, स्पष्ट उच्चार, शांतपणे गायले आहे। ऐकत असतानाच वेगळ्या उच्च स्तरावर व वेगळया विश्वात असल्याचे जाणवते। हया उपक्रमासाठी राज्य मराठी विकास संस्था, श्री राहुलजी रानडे प्रसिद्ध संगीतकार व ख्यातनाम गायक पंडित संजीव अभ्यंकर यांचे मनापासून आभार व्यक्त करतो।
अप्रतिम , ज्ञानेश्वरी ,तुकाराम गाथा , मनाचे श्लोक इतर अभिजात साहित्य दृक्श्राव्य रुपात उपलब्ध करा.
This is an example of EXCELLENT Work! More and more such projects are welcome for the Culturally deprived people.
अतिशय उत्तम आणि स्तुत्य उपक्रम.ह्यामुळे सर्वसामान्य नागरिकांना दर्जेदार वांग्माय सहज उपलब्ध झाले आहे.दासबोध मी ऐकत आहे. इतके सुंदर श्राव्य अध्यात्मिक पुस्तक खरोखरी स्तुत्य आहे. आणखी जितकी पुस्तकें ऐकायला मिळतील तेच माझे भाग्य.ज्या कोणी हा उपक्रम चालू केला व तो यशस्वीरीत्या राबवला त्या सर्वांना दंडवत.
अध्यात्मिक ज्ञानाची गंगा सुरांच्या साथीने आली घरी धन्यवाद
आपल्या स्वरांनी खरंच मंत्रमुग्ध झाले आहे.
खूप गोड आवाज आहे.
सप्तशती, रुद्र, वैदिक साहित्य इ. हे ही रेकॉर्ड करा. धन्यवाद 🙏🏼
दासबोध म्हणजे हिंदू धर्मासाठी ज्ञानाचे भांडार च कारण जेथे ज्ञान आहे तेथे भारत आहे. हिंदू संस्कृती मध्ये दासबोधाचे खूप महत्त्व आहे आणि विशेषतः सर्व मराठी बंधू आणि भगिनींनी वरील बोध एकायला हवे आणि त्यांना एकण्यास काही हरकत नाही होणार कारण वरील बोधांचा आवक देखील गोड आहे.
अप्रतिम, सुश्राव्य,दासाचा बोध अमृताहुन गोड,प संजीव अभ्यंकर,राहुल रानडे यांना शतशः धन्यवाद ्
हे पाहुनी एकुनी मी धन्य झालो . आपल खूप खूप धन्यवाद
खूप आनंद मिळतो ऐकून. बाकी चे वाङमय लवकर ऐकायला आवडेल. ज्ञानेश्वरी आणि तुकाराम गाथा तसेच भागवत. आपला उपक्रम अतिशय स्तुत्य आहे. आवाज गोड आहे.
खूपच छान…. अप्रतिम साहित्य